आऊ ! आऊ !! आऊ !!!

मेरा बाले गोरू नारेको हेर्न आऊ
आमाले बीउ उमारेको हेर्न आऊ |

कति मुस्किलले बनाउँछ चराले घर
चुच्चोले झिँजा ओसारेको हेर्न आऊ

के हेर्छौ पर्यटक सहरमा कृतिमता
प्रकृतिले गाउँ सिँगारेको हेर्न आऊ

दर्शिनढुङ्गामा झुलो राखी हजुरबाले
चकमकले आगो पारेको हेर्न आऊ

कसले भन्यो माया गर्दिनँ तिमीलाई
शब्दमा तस्वीर उतारेको हेर्न आऊ

अमला अधिकारी, सिन्धुली, नेपाल !

                                                                               तस्बिर :(प्रेममोति) मेरी आमा!!!

                                                                 सम्झनामा तिम्रो फोटो हेर्दा मन रुन्छ आमा !!
                                                                   तड्पिएर लामो सास फेर्दा मन रुन्छ आमा !!
                                                                   न्यानो तिम्रो काखा छोडी प्रबासको बास हुँदा !!
                                                                   बेहोसीमा मनको पत्र कोर्दै मन रुन्छ आमा !!

धेरै मन परेको हुनाले स्पष्ट नाम सहित ब्लगमा समावेश गरेको छु !

 

 

Email :- pearl_nepal@yahoo.com